BUUNDADA (BRIDGE) DACAR-BUDHUQ

 Hordhac

Dacar-Budhuq waa magaalo madaxda degmada Laasgeel oo ka tirsan gobolka Maroodi-jeex ee Somaliland, waxa ay ku taallaa waddada u dhaxaysa  Hargeisa iyo  Berbera. waxa ka dhisan saldhig boolis, MCH iyo iskuul hoose dhexe ah waana magaalo muhiim ah oo isku xidha Hargaysa iyo Berbera.

Dacarbudhuq waxaa ku yaal dowga caanka ah ee KOODAYARE iyo taalada cumar kujoog. Caasimada Somaliland waxa ay u jirtaa 56 km, Magaala marseedka Berbera waxay u jirtaa 82 KM.

Dacar-Budhuq waxa ay caan ku tahay dooxa Caloola oo loo garan og yahay dooxa Dacar-Budhuq

Xilli roobaad Kasta Dooxa Dacar-budhuq Waxa uu galaafan jiray Hal-door iyo hanti badan.

Curashada raxmaadka Eebbe, Gu’ga roob onkod kiisa judha ay dhagahaygu maqlaan, dhibicda koobaad goortay jiingadda guriga gob ku tidhaa, bulshada Somaliland ee ku safra jidka u dhexeeya Berbera iyo Hargeisa waxa ay ka fikiri jireen halista dooxa oo haldoor badan galaaftay, gaadiid iyo hanti badanna latagay sidoo kalana wakhti badan xannibi jiray ilaa inta biyaha dooxa marayaan ay yaranayaan.

 

Mashruuca Jidka Berbera,Hargeisa & Tog-Wajale (Berbera Corridor) ayaa dooxyo badan oo bulshada somailand halaag iyo halis badan ku hayay ka hirgaliyay buundooyin (Bridges) dhibaatooyin badan soo afjari doona Insha Allah.

Dhismaha buundada dooxa Dacar-Budhuq ayaa kow ka ah. Buundooyinkaasi (Bridges) waxay meesha ka saari doonaan caqabadihii badnaa ee muwaadiniinta reer Somaliland ay wajahi jireen xili roobaadka marka ay ka gudbayaan dooxyada uu jidku maro.
Buundada (Bridge) Dacar-Budhuq  wuxuu qayb ka yahay dhismaha dariiqa Berbera corridor oo dowlada Imaaradku maalgalinayso gaar ahan sanduuqa horumarinta Abu Dabia loona garan ogyahay ADFD waxaana ka wakiila sharkada CONSER Consulting oo Design ka iyo hubinta tayada mashruuca Berbera corridor qabilsan . Waxaa fulinta maruuca Berbera corridor iyo dhamaystirka qaabilsan sharkada NBHH oo qandaraaska lasiiyey.
waxaan yara dul istaagi doonaa marxaladihii kala duwanaa ee uu buundada dooxa Dacarbudhuq soo maray.                                                                                                            

December 2019, shirkad waddani ah oo magaceedu yahay A & A  ayaa qandaraas waxaa ku siisay sharkadda fulinaysa  mashruuca Berbera corridor una xil saartay inay dhisaan dhamaan bridges ka mashruuca Berbera corridor.
waxayna ku bilabeen buundada dooxa Dacarbudhuq. December 2019 ayaa ay ka bilabeen inay
jabiyaan shubkii hore ee yaallay dooxa Dacarbudhuq (Existing Irish Crossing) ka dibna waxay ku xigsiiyeen inay qodaan cagihii hoose ee buundada dooxa, waxa ay kala  kulmeen
dhagax ay ku adkaatay jabintiisu oo mudo saddex bilood ah ku qaatay inay jabiyaan Raxmaadkii Eebbana ku soo gadheen iyagoo wali qodiddii ku jira.
18 May 2020 raxmaadka eebbe, gu’ga ayaa gabi ahaanba dhulka lasimay dhamaan shaqadii laga qabtay ee buundada dooxa Dacarbudhuq, hakad ayay gashay shaqadii inta ay raxmaadka eebbe, gu’ga yaranayan ilaa bishii lixaad dhamatay.
Dib u qiimayn lagu sameeyay sharkadii wadaniga ahayd ee A & A ayaa lagu goaaniyay inanay awood u lahayn inay howshan dhisida Bridges ayana awood u lahayn shaqadiina laga joojiyey   6, July 2020 mudo  saddex bilooda ayuu hadana hakad galay buundada dooxa Dacarbudhuq.

waxaa si rasmi ah ula wareegtay dhammaan shaqadii buundooyinka shirkaddii fulinaysay mashruuca Berbera corridor NBHH waxayna dib u bilowday qodista buundada dooxa Dacarbudhuq November 2020, waxayna keen satay shaqaalo tabobaran oo xirfad sare u leh dhisidda buundooyinka ( bridges). waxaana ay ku qaadatay inay ku dhameeyaan bridge Dacarbudhuq mudo sanad ah iyadoo la garab wada bridge Aw barkhadle, Box Culvert Dheenta, Box Culvert Dhubato, bridge Abdaal iyo bridge Lafaruuq oo iyaguna xaalxaal kii u dambayey maraya xili roobadka soo socdana lamari dooni Insha Allah.

Buundada Dacarbudhuq waxa uu  ka koobanyahay wax yabahan  hoos ku xusan:

·       Dhararka Buundadu (Bridge) Dcarbudhuq  waa 105.5M

·       Balaca Buundadu (Bridge) Dcarbudhuq  waa 12.8M

·       Buundadu (Bridge) Dacarbudhuq waa todoba sagxadood (7 Span) lix kamida todobada sagxadood dhararkoodu midiiba waa 15.05M halka ka todobaadna dhararkiisu yahay 15.2M.                       

·       Buundada (Bridge) Dacarbudhuq Beams kiisu waa 42 Beam sagxad kasta waxaa ku jira lix beam oo uu dhararkoodu yahay midiiba 15.5m labadii beam waxaa u dhexeeya laba (2M), waxaana buuxinaaya labadaa mitir( 2m) prefab slab  sagxad kasta oo ka mida todobadii sagxadood ee buundadu (Bridge) Dacarbudhuq ka koobnayd waxaa galaya 175 xabo oo prefab slab ah guud ahaana noqonaaya 7 Span*175 Prefab Slab tirade guud ee prefab slabs waa 1225 xabo.

·       Buundada (Bridge) Dcarbudhuq kaabadihiisu waa lix kaabadood (6 Piers)  kaabad kastaana waxay ka koobantahay laba cell oo dhex roorkoduna yahay 1.2D, labada cell waxay isku jiraan 4.8M C/C, dhererkooduna yahay 4.5M.

 

Nooca  sibidka ee loo isticmalay Buundada (Bridge) Dacarbudhuq waxaa la isticmaalay laba nooc oo sibidh ah SRC iyo OPC.

Shub kasta oo Buundada (Bridge) Dacarbudhuq loo isticmalay oo biyo, ciid ay isasoo gadhayaan ama istabanayaan waxaa loo isticmalay sibidhka noociisa ah SRC.
halka nooca labaad ee sibidh ka loo isticmalay Buundada (Bridge) Dacarbudhuq shub kasta oo ayna is gadhayn ciid iyo biyo toona waxaa loo isticmalay sibidhka noociisa ah OPC.

Nooca shubka (Grades) ee loo isticmalay Buundada (Bridge) Dacarbudhuq waa

·       Leveling  of Piers & Abutments  50/20 SRC  

·       Blinding of Piers, Abutments  25/20  SRC

·       Foundation of Piers & Abutments 40/20 SRC

·       Piers Columns 40/20 SRC

·       Abutment Walls 40/20 SRC

·       Piers Shelf or Pier Caps 50/20 OPC

·       Prefab Slabs 50/20 OPC

·       Top Slabs 50/20 OPC

·       Barriers 50/20 OPC

·        Approach Slabs Blinding 30/20 SRC

·       Approach Slabs 40/20 SRC

·       Side slope Protection 40/20 SRC

Habka shay baadhka tayada ee shubka Buundada (Bridge) Dacarbudhuq saddex qaab ayaa loo sameyaa hubinta tayada shubka loo isticmalayo Buundada (Bridge) Dacarbudhuq.

·       Slump Test: gaadhi lasta oo shuba waxaa la hubiyaa in sidii ugu wanaagsanay layskugu soo daray ratio shubku ka booban yahey si tayadiisu u wanagsanato.

 

·       Temperature: hubinta heer kulka shubka ee gaadhi kasta oo shub sida waxaana la ogal yahay inaanu ka badan heer kulka shubku 35-degree ugu badnaan.

 

·       Compressive strength:  si loo hubiyo awooda shubka iyo culayska uu qaadi karo waxaa laga sameeyaa shub kasta sagaal xabo oo Concrete cubes ah  biyana waa lagu dhex ridayaa ka dib saddex ba maalinbaa lahubinayaa.
saddex maalmood marka uu joogo waxaa laga rabaa ugu yaraan 50% oo noqonaysa 25mpa inuu noqdo compressive strength.

 

Toddoba maalmood marka uu joogo waxaa laga rabaa ugu yaraan 75% oo noqonaysa 37.5mpa compressive strength.

siddeed iyo labaatan maalmood marka uu joogo waxaa laga rabaa ugu yaraan 100% oo noqonaysa 50mpa compressive strength.

 

Gabogabada Maqaalkan mashruucan (Berbera Corridor) gaar ahan qaytiisa Buundooyinka (Bridges) waxay meesha ka saari doonaan caqabadihii badnaa ee muwaadiniinta reer Somaliland ay wajahi jireen xili roobaadka marka ay ka gudbayaan dooxyada uu jidku maro.
Maqaalkana waxa uu xambaarsantahay xog muhiim ah oo bulshada,aqoonyahanka
Somaliland iyo dhamaan cidii mustaqbalka wax ka qoraysa buundada ( Bridge ) Dacarbudhuq.

F.G. Waxaana xadhiga laga jaray Buundada Bridge Dacarbudhuq 28 February 2022 
waxaana xadhiga ka jaray Madaxweynaha Jamuuriyada Somaliland Mudane  Muuse Biixi Cabdi, wafti ka socda sanduuqa horumarinta Abu Dabia ( ADFD) ,labada sharkadood ee mashruuca u xil saran iyo haldoorka Somaliland



W/Q : Eng. Mouktar Yousuf Ali 
Mukhtaryusuf.uk@gmail.com
kana mid ah Engineerada doorkii muwaadinimo iyo dowladaba haya.